Jah, hvað haldiði ekki...við erum að fara að flytja!  Jájá fengum loksins íbúð hjá bn.is, í Bólstaðarhlíðinni.  Reyndar ekki þar sem við vildum en ákváðum samt að taka hana, svo er bara hægt að sækja um flutning í aðra íbúð ef við viljum.  Já, og við erum bara að flytja í gær...eða svona næstum því.  Fengum hana afhenta í dag og verðum svona að tína dótið okkar í hana þessa vikuna.  Býst svo við því að við flytjum alveg á helginni.  Jámm þannig var nú það!

Svo vil ég benda ykkur á að taka þátt í gífurlega skemmtilegri könnun hjá henni Gógó

ahh söngur...söngvaseiður...það er svo gaman að syngja...og að hlusta á tónlist, alveg merkilegt hvað það getur létt lund manns að hlusta á einhverja skemmtilega tónlist og ég tala nú ekki um þegar maður getur sungið hástöfum með!

Eitt sem á það til að fara í taugarnar á mér, en það er fólkið sem syngur vitlausa texta!  Sjálf hef ég sérstakt yndi af því að syngja vitlausan texta fyrir hann Grétar minn og geri það í tíma og ótíma...Ég sem líka stundum alveg nýja texta við lögin á meðan ég syng fyrir hann og þá fjallar textinn auðvitað í 99% tilvika á einhvern hátt um hann!  Já ég er bara svo fyndin!  

Sjálfur á hann sín móment og á það til að skilja ekki alveg hvað í fjandanum söngvararnir eru að segja...
t.d. skildi hann aldrei textann "er ég kem heim í búðardal...þar mun verða veislunni margt í". (sem er borði framm veislunni martí)...hvað í fjandanum er eiginlega þetta martí? spurði hann!!!  Síðan þá tölum við oft um að fara í veislumartí! 
Eins með hana "Ómaríu"  (hann var reyndar lítill þegar sá misskilningur átti sér stað)
"Í kvöld við skulum skaut'útá ísinn og skeríann bér úr spér"...ég hélt að ég myndi pissa á mig þegar hann var að vandræðast með þennan texta.  Þetta er Bubba-lag og textarnir hans auðvitað misjafnir og misjafnlega innihaldsríkir eins og við vitum  en réttur texti er "og skera í hann B plús B"!  

Hér eru dæmi um skemmtilega vitlausa texta: 
-Every time you go away, you take a piece of meat with you!
-Þetta aðfangadagskvöld, fyrsta aðfangadagskvöld var eldvarnarhátíðin mest, trallallala...
-Ég þekki þig og þína langömmu...
-Ég fór í daginn í dag og fékk mér varadekk...
-Fjórir kátir prestar sátu saman á kvist...

Já, gott fólk það er ekki öll vitleysan eins!

Úff, þetta er nú meiri leiðindardagurinn!!!  Alveg þoli ég ekki þegar maður á svona daga...allt er ómögulegt, allar heimsins áhyggjur eru á herðum manns og bara allt einhvernveginn á móti manni!  Ekki einu sinni lakið á rúminu getur verið almennilegt!!!   Gæti það orðið ömurlegra?

Djúp könnun komin inn til hliðar!
Er alltaf að hugsa hvað mig langar að gera, hvert ég er að stefna...virðist alltaf lenda í einhverri hringavitleysu!  Veit ekki hvað mig langar, en ég veit bara að mig langar að gera eitthvað skemmtilegt og eitthvað sem ég hef áhuga á...enda finnst mér það, þ.e áhuginn, alveg vera grunnurinn fyrir því að gera eitthvað skemmtilegt! 
Og hvar liggur áhuginn? 


Held að ég opni bara skóbúð   þar þarf ég allavega ekki að hafa áhyggjur af því að vera áhugalaus   Þar kom það...Dagný, þú sérð um fjárhagslegu hliðina á búðinni!!!  Það held ég nú...ég meina það þurfa allir skó! ...sumir fleiri en aðrir!  

Hversu mörg prósent fólks ætli vinni við það sem það ætlaði...eða finnst virkilega skemmtilegt? 

Hvernig í óspökunum lennti ég á braut uppeldisfræðinnar?  Mig sem langar bara til að vinna í skemmtilegri og góðri vinnu þar sem ég get verið pæja í fínum fötum og skóm allan daginn!   

Ahh...nóg komið af hugsunum þetta laugardagskvöldið

Ég var að hlusta á útvarpið áðan og þá voru lesnar nokkrar auglýsingar, sem er nú svosem ekkert merkilegt enda daglegur viðburður...en það var ein auglýsingin sem vakti áhuga minn: 

-Fávitafælur, Nornabúðin punktur is!!!-

Vodd!  Fávitafælur?  ég var nú alveg viss um að ég hefði heyrt eitthvað vitlaust, en neinei FÁVITAFÆLUR eru það víst...
Já, spurning um að fjárfesta í nokkrum svoleiðis og hengja á sig og setja hér á útihurðina og á fleiri staði og svæla fávita í burtu   Já ég held að stigagangurinn hérna í blokkinni yrði fljótur að tæmast...hehehehe...neinei öss það má ekki segja svona!

Eruði búin að sjá nýja lúkkið hérna fyrir ofan?  Er það bjútífúl eða bjútífúl?
Já, hann Grétar var að laga fyrir mig...hitt var ekki nógu flott...of einfalt eitthvað!   En núna...váví...þið þurfið að gera langa leit að öðru eins!  

Á morgun fer ég upp í bústað...aftur að ljúka við verkið sem hafið var fyrir 2 vikum þegar ég í fólsku minni óð út í vatnslausa ánna og braut næstum á mér fótinn!  Núna ætla ég ekki að koma nálægt ánni...bara fara í pottinn og vera þar!   Vona að það verði klikkað veður akkurat þarna í kringum bústaðinn svo að ég geti fengið smá brúnku í pottinum...það er bara sanngjarnt!!!  

Ég meina, ég kemst ekkert til útlanda þetta sumarið!  Og síðustu tvö sumur sem ég hef farið út þá var rigning þar allan tímann!!!  Hversu lengi getur ein manneskja verið án sólar?  Þetta hlýtur að fara að hafa áhrif á vítamínupptöku líkamans og sálartetrið...or somþíng!

Jæja, kem aftur til baka á "hæ hó jibbi jei og jibbííí jei, það er kominn 17. júní!"   Sjáumst þá í sólinni niðrí bæ  

Myndarlegasta parið í bænum? Ég held það nú...og þó víðar væri leitað!

Þessi færsla er tileinkuð langinu í mér, sem er voðalega mikið þessa stundina...

Mig langar svo...

...að fara til sólarlanda
...að vera búin með BA gráðuna
...að vera að vinna í ógeðslega skemmtilegri og vel launaðari vinnu
...að kaupa mér íbúð
...að fara í Kringluna og kaupa mér allt það sem mig langar í og fá ekkert samviskubit
...að fá 0 kr VISA-reikning næstu mánaðarmót

úff það er allt of mikið sem mann langar!!!   Skyldi vera einhverntíman hægt að langa ekki neitt?  hugs hugs

Jú eitt í viðbót sem mig langar...að fara á klikkað djamm...og þetta djamm á helst að innihalda Dagnýju og áfengi líka   Fyndið með okkur...virðumst aldrei ætla að komast á djamm saman, erum "alltaf" óléttar til skiptis hahahahaha.  Erum búnar að plana síðustu þrjá páska að fara saman á páskadjamm...en ótrúlegt en satt hefur síðustu 3 ár á páskum önnur hvort okkar "alltaf" verið ólétt!!!  Legg ekki í það að plana páskadjamm með henni næsta ár...því þá væri röðin komin að mér og ég nenni ekki að koma með annan púka strax!  

Hvað langar þig?

Þetta ÓGEÐ gerði stærstu mistök lífs síns þegar það hætti sér inn í stofugluggann hjá mér!!!  Hvað er málið með þessi kvikyndi, þetta eru orðin svo óeðlilega stökkbreytt helv... að þetta er á stærð við fugla!  Það sést reyndar því miður ekki á þessari mynd hvað hún er í rauninni stór, en þið getið alveg trúað mér þegar ég segi að hún var STÓR! *HROLLUR* 

Ég veit ekki alveg hvort okkar er með meiri fóbíu fyrir svona ógeðum, ég eða Grétar, en hann sá allavega mestmegnis um pyntingarnar í þetta skiptið.  Ýmsar tilraunir voru gerðar og endaði hún lífið sem klaki, eða frosin inni í klaka...
margt verra en það svosem  

Hér er einn skemmtilegur...

Ég var úti að labba með 4 ára dóttur minni.  Hún tók eitthvað upp úr götunni og ætlaði að setja það upp í sig.  Ég tók hlutinn af henni og sagði henni að gera þetta ekki. 
"Afhverju ekki?"  spurði hún. 
"Afþví að þetta er búið að liggja á götunni, þú veist ekkert hvar þetta hefur verið og það eru örugglega sýklar á þessu" svaraði ég. 
Dóttir mín horfði aðdáunaraugum á mig og spurði:  "Hvernig veistu allt svona mamma?  Þú ert svo klár." 
Ég var fljót að hugsa, og sagði: "allar mömmur vita svona hluti.  Það er á mömmuprófinu.  Maður verður að vita það, annars fær maður ekki að vera mamma." 
Við löbbuðum áfram í þögn í svona 2-3 mínútur, en hún var greinilega að íhuga þessar nýju upplýsingar. 
"Ó, ég skil!" sagði hún síðan, þannig að ef maður nær ekki prófinu þarf maður að vera pabbinn." 
"Einmitt", svaraði ég glottandi! 

Oh, ég er svo glöð með þessa nýju síðu mína! mí só heppí...  Hún er svo mikið ég eitthvað...finnst ykkur það ekki?  Skórnir þarna efst og svona...

Talandi um skó...þá var ég á veraldarvefsflakki, eins og svo oft áður, enda óeðlilega mikill tími sem ég hef aflögu þessa dagana, en þar fann ég þetta:

Karlmennirnir gengu um stoltir á hinum támjóu og löngu skóm og voru sér meðvitaðir um táknrænt gildi skóna enda voru þeir ósparir á vaxefnin til að auka gljáa skónna.

En þeir höfðu annað notagildi. Með tánni veittist þeim hægðarleikur að smokra henni undir pilsfald kvenfólksins og sér í lagi þegar konan sat andspænis þeim. Þannig gátu þeir kitlað kvensuna enda vel til fallið í pörunarleik kynjanna.

Jahá, þetta vissuð þið ekki...og reyndar ekki ég heldur. En það er greinilega alltaf sama sagan með þessa karlmenn...þeir breytast víst seint, dónakallar!

Vá, núna langar mig að fara og kaupa mér nýja skó...finnst ég alveg eiga það skilið, hef ekki keypt mér nýja skó síðan síðast